Heiðursgestaspjall: Steina & Woody Vasulka
Heiðursgestaspjall
Steina Vasulka (Steinunn Briem Bjarnadottir f. 1940) og Woody Vasulka (Bohuslav Vasulka f. 1937) eru myndlistarmenn og alþjóðlegir frumkvöðlar á sviði vídeólistar. Þau kynntust árið 1960 í Prag, þáverandi Tékkóslóvakíu, er Steina var við nám í fiðluleik í Prag Konservatorinu og Woody var kvikmyndaskólanemi í FAMU Kvikmyndaskólanum.
Árið 1965 fluttu Vasulka-hjónin til New York og stimpluðu sig fljótt inn í listaheiminn þar. Með tilkomu handheldu vídeóupptökutækjanna hófu þau tilraunir með nýja upptökuvél frá Sony og hið nafntogaða The Kitchen árið 1971 sem var fyrsti vettvangur vídeó- og margmiðlunarlistar í heiminum. The Kitchen varð fljótt listamiðstöð skapandi einstaklinga innan vídeólistar, jaðartónlistar og gjörningalistar og starfar enn í dag þegar þetta er ritað. Fjölmargir þekktir listamenn tengdust The Kitchen. Þeirra á meðal eru Andy Mannik, Rhys Chatham and Shridhar Bapat, Andy Warhol, Philip Glass, Joan Jonas, Nancy Holt, Vito Acconci, Mary Lucier, Dara Birnbaum, Bill Viola, Gary Hill and Laurie Anderson.
Steina og Woody eru talin til merkilegustu tilraunalistamanna heims og eru frumkvöðlar á sviði vídeólistar. Frá skjáum til upptöku, og frá heimildamyndaferli til flókinna innsetninga, hafa þau umbreytt sér og endurskapað sig sem listamenn, og eru enn að heimili sínu/vinnustofu í Santa Fe.
Steina hlaut Guggenheim-verðlaunin árið 1976 og árið 1997 var hún fulltrúi Íslands á Feneyjatvíæringnum. Stofnuð var sérstök Vasulka-stofa í Listasafni Íslands árið 2014 sem geymir stóran hluta safneignar Vasulka-hjónanna. Steinu var veitt hin íslenska fálkaorða fyrir framlag sitt til vídeólistar árið 2015 og árið 2016 veitti Alþingi henni heiðurslaun listamanna.
