ÍSLENSK MENN­ING: 3. BUNDY

Íslensk menning snýst fyrst og fremst um taktfast tuldur, gleði og hlátur! Efniviður myndarinnar er þjóðleg kvöldstund á vordögum 2007 þegar norðlenskir strigakjaftar mættu sunnlenskum prúðmennum á kvæðakvöldi á Suðurlandi. Einungis hafa tvö önnur verk gert jafn yfirgripsmikla tilraun og þessi mynd til þess að greina gen íslenskar menningar. Fyrsta verkið var Íslensk menning eftir Sigurð Nordal, sem kom út árið 1943. Annað verkið var Íslenzk menning. 2. bindi eftir ýmsa höfunda, gefið út í tilefni af fimmtugsafmæli Sigurðar Gylfa Magnússonar sagnfræðings árið 2007.