Beyond Strength

Í landi sagnanna er ein saga sem aldrei hefur verið sögð eða rituð í heild. Reynir sterki var umtalaður en jafnframt umdeildur maður á Íslandi. Gjörðir hans voru byggðar á framsýnu hugviti og kraftalegum tilburðum sem heimsmetabók Guinness staðfestir að enginn hafi leikið eftir. Hvað sem hann tók upp á var sveipað dularfullri hulu sem menn brjóta enn heilann um hvernig hægt var að framkvæma. Fékk Reynir í raun vitjun frá Jesú Kristi eins og hann hélt fram, eða tókst honum á annan hátt að leysa úr læðingi orku sem gerði honum kleift að gera óútskýranlega hluti?