Aumingja Ísland

Heimildamynd um þjóð sem þekktust var fyrir fornbókmenntir, tónlist og gjöful fiskimið en er í dag alræmd á alþjóðavettvangi og rambar á barmi gjaldþrots. Orðspor heillar þjóðar hefur verið dregið niður í svaðið af þröngum hópi fólks í óheftri græðgi. Það hefur nú sýnt sig að góðærið var blekking gjörspilltra viðskipta- og stórnmálamanna, byggð á fáránlegum lygum. Afleiðingarnar eru atvinnuleysi, gjaldþrot og skuldavafningar fyrir barnabörnin.