A Deal With Chaos er lifandi og efnismikil heimildamynd um 30 ára kaótískan listferil Jóhanns Jóhannssonar og leið hans úr íslensku eitís-jaðarsenunni yfir í hæstu hæðir Hollywood-tónlistar. Hér birtist áhrifamikil svipmynd af listamanni sem nærðist á eigin áráttu; af hlýrri en þjakaðri manneskju sem lifði fyrir eigin sköpunarferli – á kostnað eigin velsældar.