Á bænum Ketilvöllum, í stórbrotnu umhverfi Bláskógabyggðar, reka tvær harðduglegar systur á sextugsaldri bú. Dagleg rútína systranna, sem breytist lítið árstíð eftir árstíð, ár eftir ár, er innilega laus við það stress sem hrjáir nútíma borgarmanneskju.

Systurnar hafa búið á Ketilvöllum frá fæðingu. Þær ferðast sjaldan og leggjast ekki í rúmið veikar. Búið er í fyrsta sæti.

Hjartnæm kvikmynd um líf eineggja tvíburasystra sem hafa kosið að taka við búi foreldra sinna og reka það af fádæma æðruleysi og gleði.