“Sá guli” er mynd um þorskinn.  Þar er ýjað að sögu þorskveiða á Íslandi frá upphafi vega og sagt frá veiðum útlendinga á Íslandsmiðum. Gerð er úttekt á þorskveiðum eins og þær eru stundaðar í dag og veiðafærum gerð skil. Drjúgur þáttur myndarinnar er um vísindin sem veiðarnar byggja á. Fylgst er með hrygningu, klaki og uppvexti seiða. Í myndinni eru neðanborstökur af gönguþorski á grunnslóð og hvernig hann tekur agn á línu og festist í netum. Sagt er frá vinnslu og nýtingu aflans. Einnig eru sýndar tilraunir með að hæna fisk í kvíar með lykt eða hljóðmerkjum. Ekki er vitað til að önnur skyld mynd hafi verið gerð um þennan merkilega fisk.