Rita og Gunnhild eru rosknar áhugalistakonur. Báðar búa í Færeyjum en hvor á sinni eyjunni og þekkjast ekki. Þær láta aldurinn ekki aftra sér heldur leyfa sköpunarkraftinum og hugarfluginu að fá útrás. Konurnar tvær beita ólíkum aðferðum við listsköpun sína en eiga það sameiginlegt að stilla verkunum upp í garðinum sínum heima. Listaverkagarðarnir þeirra Ritu og Gunnhildar eru nú þekktir um allar Færeyjar og umtalaðir á meðal ferðamanna sem heimsækja eyjarnar.