English

Ferðalagið / Gisting

Við hvetjum alla okkar gesti til að plana frekara ferðalag um Vestfirði fyrir og/eða eftir hátíð en ekki þarf að fara langt frá Patreksfirði til að bera augum margar af helstu náttúruperlum Íslands svo sem Dynjanda, Látrabjarg og Rauðasand.

Flugfélagið Ernir flýgur frá Reykjavík til Bíldudals og þaðan fer flugrúta til Patreksfjarðar en þar er einnig hægt að panta bílaleigubíla frá nokkrum bílaleigum. Flugferðin sjálf tekur milli 40-50 mínútur og svo er 30 km akstur frá Bíldudal yfir á Patreksfjörð um heiðina Hálfdán. Innritun í flug fer fram í flugstöð flugfélagsins á Reykjavíkurflugvelli sunnan megin við Icelandair Hótel Natura (áður Loftleiðir). Sjá á korti

Akstursleiðin (Sjá á korti) frá Reykjavík til Patreksfjarðar hefur styst og batnað ár frá ári síðan hátíðin var stofnuð árið 2007. Vegalengdin í dag er 392 km (þar af um 27 km af malarköflum) þar sem ekið er um Brattabrekku, Svínadal, Barðastrandarsýslu og að lokum yfir Kleifaheiði til að komast í mynni hins fallega Patreksfjarðar. Aksturstími er um 5 klst. en þá er ekki miðað við mörg stopp á leiðinni. Hinsvegar ef ferðalangar fara sér hægar geta þeir verðlaunað sig með heimsókn í náttúrupotta, á sögustaði og notið náttúrufegurðar á leiðinni.

Einnig er hægt að keyra leiðina að hluta og sigla með ferjunni Baldri frá Stykkishólmi yfir hinn fagra Breiðafjörð yfir á Brjánslæk en þaðan er svo um 40 mín akstur til Patreksfjarðar (Sjá á korti). Hægt er að fara úr ferjunni í Flatey og eiga þar dagsstund áður en haldið er áfram ferðalaginu. Baldur siglir tvisvar sinnum á sólarhring frá Stykkishólmi og vissara er að lesa tímatöfluna á heimasíða Sæferða sem og að bóka pláss fyrir ökutæki fyrirfram. Ferðalangar verða að vera komnir niður á bryggju í Stykkishólmi 30 mínútum fyrir brottför þar sem það getur tekið starfsmenn Sæferða drjúgan tíma að púsla öllum faratækjum inn í skrokk Baldurs. Hægt er að njóta útsýnisins og veitinga meðan á siglingu stendur.

Á heimasíðu markaðsstofu Vestfjarða er að finna allar helstu upplýsingar um áningarstaði, veitingastaði, ferðaþjónustuaðila og gistimöguleika.

Fosshótel

Aðalstræti 100

Sími 456 2004

Kort

Gistihúsið Stekkaból

Stekkar 14, 19 og 21

Sími 864 9675

Kort

Hotel West

Aðalstræti 62

Sími 456 5020

Kort

Ráðagerði Guesthouse

Aðalstræti 31

Sími 456 1560

Kort

Flugfélagið Ernir

Flugfélagið Ernir flýgur til 6 áfangastaða innanlands auk þess að bjóða upp hentugar flugvélar í leiguflug innanlands sem utan. Vélarnar henta vel til flugs á Íslandi, Grænlandi, Færeyjum og meginlandi Evrópu.

-ENSKA-

Eagle Air has scheduled flights to six domestic desitnation in addition to offering charter flights within Iceland, to Greenland, the Faroe Islands and Europe.

Sæferðir: Baldur

Ferjan Baldur er oft kölluð brúin yfir til Vestfjarða. Ferjan siglir yfir fjörðinn allt árið um kring. Á sumrin siglir ferjan Baldur daglega tvær ferðir yfir Breiðafjörðinn frá Stykkishólmi til Brjánslækjar með viðkomu í Flatey. Það er því hægt að skreppa út í eyju í nokkra klukkutíma, heilan dag eða jafnvel nýta sér eitthvað af gistimöguleikunum og njóta eyjunnar í lengri tíma. Fyrir þá sem ferðast með bíl, er mögulegt að senda bílinn á undan sér yfir fjörðinn á meðan stoppað er í Flatey. Þetta er mjög hentugur kostur fyrir þá sem eru t.d. að ferðast til Vestfjarða en vilja upplifa stemninguna og allt það sem Flatey hefur upp á að bjóða.

-ENSKA-

Ferry Baldur crosses Breidafjördur Bay daily from Stykkisholmur on the Snæfellsnes peninsula to Brjanslaekur in the north. A ferry ride considerably shortens the route between the south and mid-west of the country and the West Fjords region. It also gives you the opportunity to experience a floating restaurant. WIFI on board.

Contact

skjaldborg@skjaldborg.is

+354 866 6977

Eagle AirSóknaráætlun VesturlandsOrkubúa VestfjarðaKvikmyndamiðstöð ÍslandsVesturbyggð

Contact

skjaldborg@skjaldborg.is

+354 866 6977

Eagle AirSóknaráætlun VesturlandsOrkubúa VestfjarðaKvikmyndamiðstöð ÍslandsVesturbyggð